Жамол Мусиала "Манчестер Юнайтед"га қарши ўйиндан умидлари билан ўртоқлашди.
"Бавария" Чемпионлар лигаси гуруҳ босқичининг сўнгги турида "Олд Траффорд"да "Манчестер Юнайтед"га қарши ўйнайди. Мюнхенликлар кетма-кет 39 учрашувдан бери турнирнинг ушбу босқичида мағлубиятга учрамади.
Ўтган дам олиш кунлари “Бавария” Бундеслигада “Айнтрахт”га йирик ҳисобда мағлуб бўлди (1:5).
"Айнтрахт"дан учралган мағлубият бизни ҳайратда қолдирди, аммо биз келажакка умид боғлаяпмиз ва бу ишончни қайтариш учун яхши имконият. Ўйлайманки, ким билан ўйнашимиздан қатъий назар, биз доимо ғалаба қозонишни хоҳлаймиз.
Биз Чемпионлар лигасининг гуруҳ босқичида мағлубиятсиз юришимизни давом эттирмоқчимиз ва қишки танаффусгача ўз ўйинимизни сақлаб қолмоқчимиз, шу боис бу ўйин биз учун жуда муҳим. Ғалаба қозониш учун майдонга чиқамиз”, - дейди “Бавария” ярим ҳимоячиси.
