«Бавария» бош мураббийи Томас Тухел ярим ҳимоячи Жамол Мусиала Чемпионлар лигаси гуруҳ босқичининг сўнгги турида «Манчестер Юнайтед»га қарши ўйинда мюнхенликлар сафида майдонга тушишини ҳали билмаяпти.

Эслатиб ўтамиз, 20 ёшли германиялик яқинда жароҳатидан сўнг сафга қайтган, шу боис мураббий футболчининг соғлигини хавф остига қўймоқчи эмас.

«Мусиала «Манчестер Юнайтед»га қарши ўйинни тўлиқ ўтказа олмайди, у ҳали ҳам тўлиқ 90 дақиқа ўйнай олмайди. Жамол агар ўйинни асосий таркибда бошласа, алмаштирилади, ёки иккинчи бўлимда захирадан майдонга тушади. Мен ҳали бир қарорга келганим йўқ», - деди Тухель матбуот анжуманида.