«Реал Мадрид» марказий ҳимоячиси Антонио Рюдигер жамоадоши Тони Кроосни Европа чемпионатига қайтишга ишонтирмоқчи.
Эслатиб ўтамиз, Кроос Евро-2020дан кейин терма жамоадаги фаолиятини якунлаганини эълон қилган эди.
«Мен ҳар куни Кроосдан Евро-2024 учун Германия терма жамоасига қайтишини сўрайман. Жамоамизда ҳали ҳам юқори савияда ўйнайдиган футболчи бўлиши керак.
Унинг майдон ҳақидаги тасаввури бошқа сайёрадан олинганга ўхшайди. Тони қиладиган ҳамма нарса ақл бовар қилмасдир.
Мен Кроос билан терма жамоада яна ўйнашни истардим, лекин бу унинг ўзига боғлиқ», - дея Рюдигернинг сўзларини келтиради DAZN.
