Россия ёшлар терма жамоаси Ҳамдўстлик кубогида иккинчи ўйинда ҳам ғалаба қозона олмади. Бу сафар қирғизистонликлар мезбонларга гол уриш имконини беришмади.
Қирғизистон эса ўз навбатида Қозоғистонга қарши ўйиндан тўғри хулоса чиқарган ҳолда, ўйиннинг охирига қадар тиришқоқлик билан ҳаракат қилди. Улар ҳимояга ётиб олишмади, имкон бўлди дегунча олдинга интилишди. Жамоаларнинг статистикаси эътибор беринг: Қирғизистон рақиб дарвозаси томон 11та зарба берган бўлса (шундан 4таси аниқ), Россияда бу кўрсаткич — 8(3). Қўшниларимиз 7та бурчак тўпини амалга оширишган бўлса, руслар бор-йўғи 3та бурчак тўпи тепишди.
Ушбу дурангдан кейин Россия терма жамоаси 2 очко билан гуруҳда 3-ўринни эгаллаб турган бўлса, Қирғизистон ўзининг дастлабки очкосига эга бўлди. Ўзбекистон ва Қозоғистон гуруҳни бошқариб турибди.
| № | Жамоа | Ўйин | Ғалаба | Дуранг | Мағлубият | Т-Н | Очко |
|---|---|---|---|---|---|---|---|
| 1 | Ўзбекистон | 2 | 1 | 1 | 0 | 3-2 | 4 |
| 2 | Қозоғистон | 2 | 1 | 0 | 1 | 3-2 | 3 |
| 3 | Россия | 2 | 0 | 2 | 0 | 2-2 | 2 |
| 4 | Қирғизистон | 2 | 0 | 1 | 1 | 1-3 | 1 |
