«Копенгаген» бош мураббийи Якоб Нееструп ўз жамоасининг жорий УЕФА Чемпионлар лигасининг плей-офф босқичига чиққани ҳақида гапирди.

Гуруҳ босқичининг сўнгги турида данияликлар «Галатасарой»ни 1:0 ҳисобида мағлуб этишди.

«Биз бошиданоқ ўзимизга ишонганмиз. Жамоа гуруҳда иккинчи ўринни қўлга киритди. Мен футболчиларим билан жуда фахрланаман.

Агар биз «Бавария», «Манчестер Юнайтед» ва «Галатасарой» бор гуруҳдан плей-оффга чиқа олган бўлсак, унда ушбу турнирда давом этишимиз учун имконият бор», - дея мутаҳассиснинг сўзларини келтиради УЕФА матбуот хизмати.

«Копенгаген» саккиз очко жамғариб, «А» гуруҳида иккинчи ўринни эгаллади. 16 очко билан «Бавария» биринчи ўринни эгаллади.