Мюнхеннинг «Бавария» клуби ҳужумчиси Харри Кейн Чемпионлар лигаси гуруҳ босқичи 6-турида «Манчестер Юнайтед» устидан қозонилган ғалаба (1:0) ҳақида фикр билдирди.
«Биз кўп вақт давомида учрашувнинг боришини назорат қилдик. Ғалаба қозониб, гуруҳда ишончли тарзда биринчи ўринни эгаллаганимиздан жуда хурсандмиз.
«Бавария» футболчиси сифатида Англияга қайтиш мен учун бироз ғалати бўлди, аммо бу менинг жамоага катта ёрдам берган навбатдаги ўйин бўлди», - дея форварднинг сўзларини келтиради Prime Video.
