Ўзбекистон миллий терма жамоаси 21 январь куни эрта тонгда 2013 йилдаги илк ўқув-машғулот йиғинини ўтказиш учун БААнинг Дубай шаҳрига жўнаб кетди. Терма жамоа бош мураббий Миржалол Қосимов 21 январьдан 2 февральгача давом этадиган йиғинга жами 27 нафар футболчи билан йўл олди.

Йиғин давомида миллий терма жамоа Озарбойжон терма жамоаси билан ўртоқлик учрашувида майдонга тушади. Мазкур ўйин 1 февраль куни Дубай шаҳрида бўлиб ўтади. Ўзбекистон миллий терма жамоасининг бошқа ўртоқлик учрашувлари тўғрисида батафсил маълумот кейинроқ берилади.

Шундан сўнг Ўзбекистонга қайтадиган миллий терма жамоа 3-5 февраль кунлари Тошкентда йиғин ўтказади. Ўзбекистон миллий терма жамоаси 6 февраль куни Осиё Кубоги-2015 саралаш «Е» гуруҳи 1-тур учрашувлари доирасида Гонгконг терма жамоасига қарши майдонга тушади. Ўйин Тошкентдаги «Пахтакор» стадионида ўтказилади. ЖЧ-2014 саралаш баҳслари 4-босқич навбатдаги тур учрашуви эса 26 март куни Ливан терма жамоасига қарши бўлиб ўтади. Мазкур учрашув 26 март куни Тошкентдаги «Бунёдкор» стадионида бўлиб ўтади.