"Ливерпул"нинг собиқ ярим ҳимоячиси Фабиньо "мерсисайдликлар"нинг жорий мавсумдаги ўйини ҳақида ўз таассуротлари билан ўртоқлашди.
Эслатиб ўтамиз, ёзда бразилиялик футболчи "Энфилд"ни тарк этиб, "Ал-Иттиҳод"га ўтганди.
"Ливерпуль" АПЛ турнир жадвалида пешқадамлик қилаётганидан жуда хурсандман, аммо олдинда ҳали кўп турлар бор. "Арсенал", "Манчестер Сити" ва "Астон Вилла" ҳам яхши ўйин кўрсатмоқда. Улар чемпионлик учун курашишга қодир. "Ливерпуль" 90-дақиқадан кейин ўйинларда ғалаба қозониш ва гол уриш йўлини топди. Бу жамоанинг руҳияти қанчалик кучли эканлигини кўрсатади. Бу Премьер-лигада ғалаба қозониш учун жуда муҳим", - деди Фабиньо.
Фабиньо аввалроқ 2019/20 йилги мавсумда "Ливерпуль" билан Премьер-лигада ғолиб чиққан эди.
