"Барселона" бош мураббийи Хави Эрнандес унинг жамоаси ҳали қурилиш жараёнида эканлигини айтди.
"Биз ҳали қурилиш босқичидамиз, десам, бу баъзи нарсаларни яхшилашимиз керак дегани. Жамоага янги футболчилар келди, ёшлар пайдо бўлди. Биз кетма-кет икки йил гуруҳдан чиқа олмадик ва Европа Лигасига ўйнадик. Эндигина биз Чемпионлар лигаси плей-офф босқичига йўлланмани қўлга киритишга муваффақ бўлдик", - деди Хави матбуот анжуманида.
Эслатиб ўтамиз, “Барселона” ўтган дам олиш кунлари Испания чемпионатида “Жирона”га имкониятни бой бериб, турнир жадвалида тўртинчи ўринга тушиб кетди.
