«ПСЖ» президенти Носир Ал-Хелайфий Париж клуби мухлисларини Уоррен Заир-Эмери билан янги шартнома имзоланишига ишонтирди.
Эслатиб ўтамиз, кеча 17 ёшли франциялик футболчи Дортмунднинг «Боруссия» клуби дарвозасига гол урди ва «ПСЖ»нинг гуруҳда иккинчи ўриндан Европа Чемпионлар Лигаси плей-офф босқичига чиқишига ёрдам берди.
«Заир-Эмери ажойиб футболчи. Мен у билан фахрланаман. У парижлик ва шу ерда қолмоқчи. Уоррен жамоа учун жуда муҳим футболчи.
Заир-Эмери тез орада янги шартнома имзолайди, ҳаммаси аллақачон келишиб олинди», - дея Ал-Хелайфийнинг сўзларидан иқтибос келтиради журналист Фабрицио Романо.
