“Рома” бош мураббийи Жозе Моуриньо Европа лигасининг 6-турида “Шериф”ни мағлуб этганидан сўнг, “бўрилар”нинг гуруҳ босқичидаги ўйинини юқори баҳолади.
“Иккинчи ўрин учун ўзимиз айбдормиз. Биз “Славия”га қарши битта даҳшатли ўйин ўтказдик, бу эса ҳаммасини барбод қилди. Биз иккинчи ўринни эгалладик, аммо Чемпионлар лигасидан чиқиб кетган жамоалар бизга қарши ўйнашдан хурсанд бўлмайди”, – деди португалиялик мутахассис. Мураббий Прагадаги муваффақиятсизлик учун жазо плей-оффнинг биринчи босқичидаги иккита қўшимча ўйин бўлишини таъкидлади.
Эслатиб ўтамиз, “Рома” ўз майдонида 3:0 ҳисобида ғалаба қозониб, гуруҳ босқичини якунлади. 13 очко жамғарган Рим клуби “Славия”, “Серветт” ва “Шериф” билан гуруҳда иккинчи ўринни эгаллади.
