Европа лигаси турнирида гуруҳ босқичи якунига етиб, плей-оффда иштирок этадиган жамоалар номи маълум бўлди.

Хабарингиз бор,  гуруҳ босқичида пешқадамликни қўлга киритган жамоалар тўғридан-тўғри нимчорак финал босқичига йўл олишган бўлса, қолган 8та клуб 1/16 финал деб номланган ўтиш баҳсларида иштирок этишади.

Гуруҳда 2-ўринни эгаллаганлар бу босқичда Европа чемпионлар лигаси гуруҳ босқичида 3-ўринни эгаллаган клублар билан тўқнаш келишади.

Қачон?
Қуръа ташлаш маросими бугун — 18 декабрь, душанба куни УЕФА қароргоҳи жойлашган Ньон шаҳрида бўлиб ўтади. Тадбир Тошкент вақти билан 17:00да бошланади.

Иштирокчи-жамоалар
Юқорида айтиб ўтганимиздек, қуръада 16та жамоа иштирок этади. Европа лигаси гуруҳ босқичида 2-ўринни эгаллаганлар 1-саватчадан, ЕЧЛдан ўтган клублар эса 2-саватчадан ўрин олишади.

1-саватча:
"Спортинг" (Португалия)
"Марсель" (Франция)
"Тулуза" (Франция)
"Ренн" (Франция)
"Рома" (Италия)
"Қорабоғ" (Озарбойжон)
"Фрайбург" (Германия)
"Спарта" (Чехия)

2-саватча:
"Галатасарой" (Туркия)
"Ланс" (Франция)
"Брага" (Португалия)
"Бенфика" (Португалия)
"Фейенорд" (Нидерландия)
"Милан" (Италия)
"Янг Бойз" (Швейцария)
"Шахтёр" (Украина)

Чекловлар борми?
Ҳа. Бир мамлакат вакиллари ушбу босқичда ўзаро тўқнаш келишмайди.

Нечта ўйин?
1/16 финал босқичида жамоалар уй ва сафар тизимида икки мартадан тўқнаш келишади. 1-саватча вакиллари жавоб баҳсини ўз уйларида ўтказишади. Плей-офф босқичида "сафарда урилган гол" қоидаси амалда бўлмайди.

Ўйинлар қачон ўтказилади?
Дастлабки учрашувлар 16 февраль, жавоб баҳслари эса 23 февраль кунлари бўлиб ўтади.

Кейин-чи?
Ушбу босқич ғолиблари нимчорак финалга йўл олади ва Европа лигаси гуруҳ босқичида 1-ўринни эгаллаганлар сафига қўшилади. Мағлуб бўлганлар мусобақани тарк этишади. 1/8 финалга қуръа ташлаш маросими 23 февраль куни бўлиб ўтади.