"Барселона" президенти Жоан Лапорта Рождество байрами олдидан жамоага нутқ сўзлади.

"Спорт оламининг бир қисми бўлган спортдаги умидсизликларга қарамай, биз кундан-кунга дунёнинг энг яхши клуби вакили бўлишдан фахрланамиз. Биз тўртта турнирнинг ҳар бирида курашамиз: Суперкубок ва Испания кубоги, Чемпионлар лигаси ва Ла Лига. Мен сизнинг қўллаб-қувватлашингизни сўрайман - бугун бу ҳар қачонгидан ҳам муҳимроқ. Ғалаба йўлида футболчиларимиз ва мураббийимиз билан бирга бўлишингизни сўрайман. Биз биргаликда бунга эриша оламиз", - деди Лапорта.

"Барселона" ҳозирда Ла Лига турнир жадвалида тўртинчи ўринни эгаллаб турибди. Жамоа 16 тур давомида 34 очко жамғарган.

"Барселона" "H" гуруҳида биринчи ўринни эгаллаб, Чемпионлар лигасининг плей-офф босқичига йўл олди. Турнирнинг 1/8 финал босқичига қуръа ташлаш маросими 18 декабр куни бўлиб ўтади.