14 декабрь, пайшанба куни Европа лигаси ва Конференциялар лигасида гуруҳ босқичининг сўнгги ўйинлари бўлиб ўтди. Шу тариқа, барча еврокубокларнинг плей-офф босқичидаги барча иштирокчилар маълум бўлди. Еврокубокларда қолган жамоалар сони бўйича Италия етакчилик қилмоқда - еттита клуб.

Еврокубокларнинг баҳорги қисмида кучли бешлик лигаларидан жами 31 та клуб иштирок этади: Италиядан еттита (“Интер”, “Наполи”, “Лацио”, “Аталанта”, “Рома”, “Милан”, “Фиорентина”), Германиядан олтита жамоа (“Бавария”, “Боруссия Д”, "Лейпциг", "Байер", "Фрайбург", "Айнтрахт"). Шунингдек, Англияни олтита клуб ("Манчестер Сити", "Арсенал", "Вест Хэм", "Брайтон", "Ливерпуль", "Астон Вилла") ва Испания ("Реал Мадрид", "Реал Сосьедад", "Атлетико" , "Барселона", "​​Вильярреал", "Бетис") қатнашади. Франция ҳам плей-офф босқичида олтита жамоа билан ("ПСЖ", "Марсель", "Тулуза", "Ренн", "Лилль", "Ланс") иштирок этади.

18 декабр, душанба куни Ньон шаҳридаги (Швейцария) штаб-квартида Чемпионлар лигаси, Европа лигаси ва Конференциялар лигасининг 2023/2024 йилги плей-офф босқичига қуръа ташлаш маросими бўлиб ўтади.