“Ливерпуль” ва “Реал”нинг собиқ ҳужумчиси Майкл Оуэн “Брайтон”нинг Европа лигаси плей-офф босқичидан чиққанига муносабат билдирди.

"Ҳеч ким плей-офф босқичида "Брайтон"га қарши ўйнашни хоҳламайди. Жамоа тўғридан-тўғри 1/8 финалга чиқди ва бу рақибдан яхши устунлик. Улар иккита қўшимча жанг ўтказишлари шарт эмас. Менимча, бу Де Дзерби жамоаси учун жуда яхши", - деди Оуэн Eurosport билан суҳбатда.

Европа Лигаси гуруҳ босқичи якунига кўра, "Брайтон" 13 очко жамғариб, гуруҳда биринчи ўринни эгаллади. Франциянинг "Марсель" клуби иккинчи ўринни эгаллади (11).