Италиянинг “Милан” клуби Испаниянинг “Барселона” клубига январь ойидаги трансфер ойнасида ҳимоячи Клеман Лангленинг трансферини муҳокама қилиш учун мурожаат қилди, дея хабар беради журналист Фабрицио Романо. Эслатиб ўтамиз, жорий мавсум франциялик ҳимоячи “Астон Вилла”да ижара асосида ўйнамоқда.
Аввалроқ ОАВда "Милан" "Арсенал"нинг польшалик ҳимоячиси Якуб Кивёрни сотиб олиш имкониятини кўриб чиқаётгани ҳақида хабар берилганди. Италия клуби учун яна бир вариант - Матео Габбианинг "Вильярреал"даги ижарасидан қайтиши.
Лангле ҳозирда "Астон Вилла"да бир йиллик ижара асосида ўйнамоқда. 2023/2024 йилги мавсумда ҳимоячи барча турнирларда бешта ўйин ўтказди.
Эслатиб ўтамиз, футболчининг "Барселона" билан шартномаси 2026 йилнинг июнь ойи охиригача амал қилади. Transfermarkt портали футболчининг нархини 10 миллион еврога баҳоламоқда.
