"Челси" ва Англия терма жамоасининг собиқ ҳужумчиси Крис Саттон "Манчестер Юнайтед" қанот ярим ҳимоячиларининг ҳаракатларини танқид қилди ва клуб ҳужумчиси Расмус Хёйлундга жуда ачинишини билдирди.

"Кеча биз Хёйлундни томоша қилдик. Мен унга жуда ачиндим. У ҳозирча ўзига бир оз ишончсиз ўйинчига ўхшайди, лекин менимча, у "Манчестер Юнайтед"га қандай гол уришни тушунмайди, чунки ўйинчилар тўпни ўзлари эгаллашни хоҳлашади. Ўша оқшом Антони (“Бавария” билан Чемпионлар лигаси ўйини) бошини кўтара олмади. Тўпни узатиш, қўллаб-қувватлаш, майдонда боғлаш - комбинациялар йўқ. Ва бу жуда катта муаммо", - деди Саттон Daily Mail билан суҳбатда.

Эслатиб ўтамиз, шу ҳафтада УЕФА Чемпионлар лигасининг гуруҳ босқичи якунига етди. Мусобақанинг 6-турида “Манчестер Юнайтед” ўз майдонида “Бавария”ни қабул қилиб, 0:1 ҳисобида мағлуб бўлди. Эрик тен Хаг шогирдлари тўрт очко билан қолди ва “А” гуруҳида турнир жадвалида сўнгги ўринни эгаллади. Улар нафақат Чемпионлар лигасидан учиб кетишди, балки Европа Лигасига ҳам йўлланмани қўлга кирита олмади.