"Барселона" бош мураббийи Хави Эрнандес жамоанинг ёмон натижалари туфайли босим ҳақидаги саволга жавоб қайтарди.
"Мен ҳеч қачон ёлғизликни ҳис қилмайман. Менда қўллаб-қувватлаш ва куч борлигини ҳис қиляпман ва биз ажойиб мавсум ўтказишимиз мумкинлигини ҳис қиляпман", - деди Хави каталонияликлар клуби матбуот хизматига.
16 турдан кейин "Барселона" 34 очко билан Испания чемпионати турнир жадвалида тўртинчи ўринда бормоқда.
Айтиш жоизки, сўнгги икки ўйинда “кўк-анорранглилар” иккита мағлубият аламини тотиб кўришди, Ла Лигада “Жирона”га (2:4) ва Чемпионлар Лигасида “Антверпен”га (2:3) имкониятни бой беришди.
