Яқин келажакда сер Жим Рэтклифф клубнинг 25% улушини сотиб олиб, «Манчестер Юнайтед»нинг эгасига айланади.
Шундан сўнг, «қизил иблислар»нинг мураббийлар кўпригида ўзгаришлар бўлиши мумкин - Грэм Поттер Эрик тен Хаг ўрнини эгаллаши мумкин. Айнан шу мутахассисни Рэтклифф жамоа бошқарувида кўришни ҳоҳлайди.
The Sun нашрининг ёзишича, Рэтклифф аллақачон Поттер билан учрашув ўтказган. 48 ёшли мутахассис апрель ойи бошидан, яъни «Челси»дан ҳайдалганидан бери ишсиз эди.
«Манчестер Юнайтед» айни дамда АПЛ турнир жадвалида 6-ўринни эгаллаб турибди. Жамоа навбатдаги ўйинни 17 декабрь куни меҳмонда «Ливерпул»га қарши ўтказади.
