"Наполи"нинг собиқ бош мураббийи, ҳозирда Италия терма жамоасини бошқараётган Лучано Спалетти жамоани тарк этганидан сўнг бироз вақт ўтгач, Неаполга бўлган муносабати ҳақида гапирди.
"Оҳ, "Наполи". Мен ва Неаполитан халқи орасидаги алоқа жуда яқин. Бу мен энг қадрлайдиган жиҳат. Ҳозир мен Неаполнинг фахрий фуқаросига айланганимдан кейин айтишим мумкинки, Неапол менинг уйим. Бу ерда менга берилган нарсага оддий одам лойиқ эмас. Менинг миннатдорчилигим чексиздир.
Клубни тарк этиб, шаҳарни тарк этганимдан афсусдаман, лекин мен уларнинг гўзаллигини қалбимда сақлашни ва бунга шубҳа қилмасликни истардим", - деди Спалетти.
Эслатиб ўтамиз, жорий мавсум якунида "Наполи" Спалетти бошчилигида 33 йил ичида илк бор Италия чемпиони бўлди. Ўтган ёзда италиялик мутахассис неаполликлар жамоасини тарк этиб, Италия терма жамоасини бошқаришни бошлади ва у билан 2024 йилги Европа чемпионатининг финал қисмига йўлланма олди.
Декабрь бошида Спалетти Неаполнинг фахрий фуқароси унвони билан тақдирланди.
