15 ёшли Франческо Камарда «Фиорентина»га қарши кечган ўйин («А» серия 13-тур)да «Милан»даги дебютини нишонлади. Ёшлар тизимида тинимсиз гол уриши билан Стефано Пиоли назарига тушган истиқболли ҳужумчи шу тариқа «А» серия рекордчисига айланди. Хўш, Европанинг кучли 5та лигаси тарихида майдонга тушган энг ёш футболчилар қандай кўрсаткичга эгалар?
«А» серия - Франческо Камарда. «Милан» жавоҳири «Фио» билан ўйин вақти 15 ёшу 260 кунлик эди.
АПЛ - Итан Нванери. Ярим ҳимоя вакили саналган Англия ўсмирлар терма жамоаси вакили «Арсенал» либосида илк марта кўриниш берганида 15 ёшу 181 кунлик эди.
Бундеслига - Юсуф Мукоко. Дортмунд «Боруссия»сида камол топаётган гавдали ҳужумчи жамоадаги дебютини 16 ёшу 1 кунлигида нишонлади.
Ла Лига - Лука Ромеро. Аргентиналик ярим ҳимоячи чемпионат рекордини «Мальорка» сафида урди - 15 ёшу 219 кунлик. Лука шундан сўнг «Лацио»да тўп сурди ва энди «Милан» шарафини ҳимоя қилмоқда.
Лига 1 - Лоран Паганелли. Фақат Францияда ўтмиш рекорди ҳамон янгилангани йўқ. Лоран илк марта 15 ёшу 309 кунлигида «Сент-Этьен» сафида майдонга тушганди.
