15 yoshli Franchesko Kamarda «Fiorentina»ga qarshi kechgan o‘yin («A» seriya 13-tur)da «Milan»dagi debyutini nishonladi. Yoshlar tizimida tinimsiz gol urishi bilan Stefano Pioli nazariga tushgan istiqbolli hujumchi shu tariqa «A» seriya rekordchisiga aylandi. Xo‘sh, Yevropaning kuchli 5ta ligasi tarixida maydonga tushgan eng yosh futbolchilar qanday ko‘rsatkichga egalar?
«A» seriya - Franchesko Kamarda. «Milan» javohiri «Fio» bilan o‘yin vaqti 15 yoshu 260 kunlik edi.
APL - Itan Nvaneri. Yarim himoya vakili sanalgan Angliya o‘smirlar terma jamoasi vakili «Arsenal» libosida ilk marta ko‘rinish berganida 15 yoshu 181 kunlik edi.
Bundesliga - Yusuf Mukoko. Dortmund «Borussiya»sida kamol topayotgan gavdali hujumchi jamoadagi debyutini 16 yoshu 1 kunligida nishonladi.
La Liga - Luka Romero. Argentinalik yarim himoyachi chempionat rekordini «Malyorka» safida urdi - 15 yoshu 219 kunlik. Luka shundan so‘ng «Lasio»da to‘p surdi va endi «Milan» sharafini himoya qilmoqda.
Liga 1 - Loran Paganelli. Faqat Fransiyada o‘tmish rekordi hamon yangilangani yo‘q. Loran ilk marta 15 yoshu 309 kunligida «Sent-Etyen» safida maydonga tushgandi.
