“Навбаҳор”нинг якунланган мавсумга оид статистик маълумотлари билан таништиришда давом этамиз.

Маълумки, ғалаба қозонишда голлар билан биргаликда унга ҳаммуаллифлик қилган футболчиларнинг роли ҳам муҳим саналади.

Хўш, “Навбаҳор”нинг Суперлига – 2023 даги голларига кимлар ассистентлик қилишди?

Хабарингиз бор, Самвел Бабаян шогирдлари якунланган мавсумда рақиблар дарвозасига 44 та гол уришди. Ушбу тўпларнинг  5 таси пенальти, 1 таси  жарима зарбаси, яна 11 таси эса рақиблар томонидан қайтарилган зарбалар ёки маҳорат эвазига рақиблардан тўпни олиб қўйишлар эвазига дарвоза тўридан жой олган.

Қолган 27 та голга эса 10 нафар футболчи ҳаммуаллифлик қилишди.

Энг кўп ассист жамоамизнинг 30 ёшли тажрибали ярим ҳимоячиси Жамшид Искандеровга тегишли – 7 та.

Кейинги ўринда эса 6 та “пас” билан 32 ёшли тажрибали ҳужумчи Темурхўжа Абдухолиқов бормоқда.  

Ассистентларнинг тўлиқ рўйхати эса қуйидагича кўринишга эга:

1.Жамшид Искандеров – 7 та;
2.Темурхўжа Абдухолиқов – 6 та;
3.Жамшид Болтабоев – 3 та;
4.Асадбек Собиржонов, Аброрбек Исмоилов, Остон Ўрунов, Жасурбек Яхшибоев  – 2 тадан;
5.Иброҳим Йўлдошев, Тома Табатадзе, Дониёр Абдуманнопов – 1 тадан.

“Навбаҳор” ПФК матбуот хизмати.