"Байер" Бундеслиганинг 15-турида "Айнтрахт"ни (3:0) мағлуб этди.
Нигериялик ҳужумчи Виктор Бонифасе 14-дақиқада ҳисобни очди. 51-дақиқада ҳимоячи Жереми Фримпонг иккинчи голни киритди. 57-дақиқада ярим ҳимоячи Флориан Виртц ҳисобни йирик кўринишга олиб келди.
Топ-5 лигалар иштирокчилари орасида Леверкузен клуби жорий мавсумда ҳали мағлуб бўлмаган ягона жамоа бўлиб қолмоқда. "Байер" ҳисобида 21 ғалаба ва 3 дуранг бор (Бундеслигада "Бавария", "Боруссия Дортмунд" ва "Штутгарт" билан).
Кейинги ўринда Хаби Алонсо шогирдлари 20 декабрь куни "Бохум"ни қабул қилади.
