"Манчестер Сити" "Фулхэм" ярим ҳимоячиси Жоау Пальиньяни ўз сафига қўшиб олмоқчи, деб хабар беради Sky Sports нашри.

Манба берган хабарга кўра, 28 ёшли португалиялик билан "шаҳарликлар" бош мураббийи Хосеп Гвардиоланинг шахсан ўзи қизиқмоқда. "Манчестер Сити" январь ойида Пальиньяни 50 миллион фунтга сотиб олишни режалаштирмоқда.

Ярим ҳимоячининг хизматларига “Ливерпуль” ва “Бавария” ҳам қизиқиш билдирмоқда.

Пальинья 2022 йилнинг июлида "Спортинг"дан "Фулхэм"га ўтган. Трансфер суммаси 21 миллион еврони ташкил этди. Ўйинчининг клуб билан шартномаси 2028 йилнинг ёзига қадар мўлжалланган. Transfermarkt португалиялик футболчини 55 миллион еврога баҳоламоқда.

Жорий мавсумда Пальинья 16 та ўйин ўтказиб, 2 та гол урди ва битта голли узатмани амалга оширди.

17 турдан сўнг "Фулхэм" 21 очко билан АПЛ турнир жадвалида 11-ўринни эгаллаб турибди. "Манчестер Сити" тўртинчи ўринда (34 очко).