Россия Биринчи дивизиони вакили "Урал" жамоаси бош мураббийи Павел Гусевнинг хабар беришича, 28 январь куни Ўзбекистон миллий терма жамоаси ва "Урал" клуби ўртасида назорат учрашуви ўтказилади. Шунингдек, екатеринбургликлар 4 февраль куни "Пахтакор" билан ҳам назорат ўйинида майдонга тушишади.

"Урал" дастлабки йиғин давомида 3та назорат ўйинида майдонга тушиб, ундан 2таси мағлуб бўлди. Улар ҳозир Биринчи дивизионда 2-ўринни эгаллаб туришибди ва жамоа олдига Премьер-лигага чиқиш вазифаси қўйилган.

Эслатиб ўтамиз, Миржалол Қосимов бошчилигидаги терма жамоа дастлабки йиғинни 19 январь куни Тошкентда бошлади ва машғулотлар 21 январдан БААда давом эттирилмоқда. Бугун Дубайда жамоамиз "Краснодар" клуби билан назорат ўйинини ўтказади.