"Бавария" ҳужумчиси Матис Тель жамоасининг жорий мавсумдаги фаолияти ҳақида гапирди. Франциялик футболчи шахсий мақсадлари ҳақида ҳам гапирди.
"Бавария"нинг мақсади бу мавсумда Бундеслига ва Чемпионлар лигасида ғалаба қозониш. Бунга эришиш учун ҳамма нарсани қиламиз. Агар шахсий мақсадлар ҳақида гапирадиган бўлсак, мен 15 та гол уриб, жамоадошларимга камида 5 та голли узатма бермоқчиман. Бу ўзимни қаттиқ ишлашга ундаш учун мотивация. Умид қиламанки, мақсадимга эриша оламан", - деди Тель Canal Plus билан суҳбатда.
У "Ренн"дан ўтганидан кейин Бундеслигадаги иккинчи мавсумини ўтказмоқда. 18 ёшли форвард Германиянинг жорий чемпионатида ҳозирга қадар 3 та гол урди ва 2 та голли узатмани амалга оширди.
