"Bavariya" hujumchisi Matis Tel jamoasining joriy mavsumdagi faoliyati haqida gapirdi. Fransiyalik futbolchi shaxsiy maqsadlari haqida ham gapirdi.
"Bavariya"ning maqsadi bu mavsumda Bundesliga va Chempionlar ligasida g‘alaba qozonish. Bunga erishish uchun hamma narsani qilamiz. Agar shaxsiy maqsadlar haqida gapiradigan bo‘lsak, men 15 ta gol urib, jamoadoshlarimga kamida 5 ta golli uzatma bermoqchiman. Bu o‘zimni qattiq ishlashga undash uchun motivasiya. Umid qilamanki, maqsadimga erisha olaman", - dedi Tel Canal Plus bilan suhbatda.
U "Renn"dan o‘tganidan keyin Bundesligadagi ikkinchi mavsumini o‘tkazmoqda. 18 yoshli forvard Germaniyaning joriy chempionatida hozirga qadar 3 ta gol urdi va 2 ta golli uzatmani amalga oshirdi.
