Каталониянинг "Барселона" клуби президенти Жоан Лапорта, агар "кўк-анорранглилар" бу мавсумда Испания чемпионлиги унвонини ҳимоя қила олмаса, ёзда клубда ўзгаришлар бўлиши мумкинлигини таъкидлади. Эслатиб ўтамиз, аввалроқ “Барселона” раҳбарияти бош мураббий Хави Эрнандесни истеъфога чиқариш имкониятини кўриб чиқаётгани ҳақида хабарлар тарқалган эди.
"Йўқотишлар ва муваффақиятсизликлар ҳар доим ёмон оқибатларга олиб келади. Агар "Барселона" бу мавсум чемпионликни қўлга кирита олмаса, биз қандайдир қарорлар қабул қилишимиз керак бўлади", - дейди Лапорта.
"Барселона" айни дамда Испания чемпионатида учинчи ўринни эгаллаб турибди.
