Лондоннинг "Арсенал" клуби январь ойида ҳужум чизиғини мустаҳкамламоқчи. Журналист Сами Мокбелнинг сўзларига кўра, Микель Артета жамоасида учта вариант бор – "Брентфорд"дан Айван Тони, “Наполи”дан Виктор Осимхен ва “Астон Вилла”дан Олли Уоткинс.
Қайд этилишича, бу ҳужумчиларнинг ҳар бирини қишда олиш жуда қийин бўлади. Аввалроқ, ҳатто Айван учун ҳам "Брентфорд" 100 миллион еврога яқин товон пули талаб қилиши мумкинлиги хабар қилинганди.
Эслатиб ўтамиз, "Арсенал" қишда янги ҳимоячи ҳам сотиб олмоқчи. Томас Парти келаси ой жамоани тарк этиши мумкин.
