Ўзбекистон профессионал футбол лигаси мартдан бошлаб ноябрга қадар ҳар ойнинг энг чиройли голларини экспертлар овозига кўра аниқлаб келди. Энди навбат Суперлигада мавсумнинг энг чиройли голини аниқлашга этиб келди.

Бу йўлда «Металлург» ҳужумчиси Забиҳилло Ўринбоев 2 та голи билан иштирок этади. У апрель ҳамда август ойларининг энг чиройли голларини киритишга эришганди. Аҳамиятлиси — у ҳар икки чиройли голини «Сўғдиёна» дарвозасига урганди.

«Андижон»нинг 3 нафар футболчиси бу борада рақобатлашади: Сардор Абдунабиев, Суҳроб Бердиев, Рубин Ҳебай. Мазкур уч футболчи Суперлигада дастлабки уч ўринни эгаллаган жамоалар дарвозасига йўл топгани эътиборга молик.

Шунингдек, рўйхатда «Олимпик»нинг икки ҳамда «Сўғдиёна»нинг бир нафар футболчиси бор.

«Насаф» - «Андижон» - 0:1 (Сардор Абдунабиев)

«Сўғдиёна» - «Металлург» - 2:2 (Забиҳилло Ўринбоев)

«Андижон» - «Сўғдиёна» -  1:2 (Искандар Шайқулов)

«Олимпик» - «Металлург» - 1:2 (Жасур Жалолиддинов)

«Металлург» - «Сўғдиёна» - 3:1 (Забиҳилло Ўринбоев)

«Андижон» - «Навбаҳор» - 1:1 (Суҳроб Бердиев)

«Андижон» - «Пахтакор» - 1:0 (Рубин Ҳебай)

«Олимпик» - «Навбаҳор» -  2:1 (Шерзод Эсанов).

Йилнинг энг чиройлини голини аниқлашда Лига экспертлари ўз овози билан иштирок этади. Шунингдек, Лиганинг Телеграмдаги расмий канали орқали мухлислар ўртасида ҳам сўровнома ташкил этилади. Мухлисларнинг умумий танлови 1 та овоз сифатида экспертлар овозига қўшилади ҳамда ғолиб аниқланади.