"Манчестер Юнайтед"да ижара асосида ўйнаётган "Тоттенхэм" ҳимоячиси Серхио Регилон қишда Дортмунднинг "Боруссия"сига ўтиши мумкин, дея хабар беради журналист Патрик Бергер.
Манбага кўра, 26 ёшли испанияликнинг "Манчестер Юнайтед" билан шартномасида ижара шартномасини муддатидан олдин бекор қилиш билан боғлиқ банд мавжуд. Дортмундликлар ушбу вазиятдан фойдаланиб, ҳимоячини мавсум охиригача ижарага олишга ҳаракат қилади.
"Манчестер Юнайтед" ёзги трансферлар вақтида Регилонни ижарага олди. У манкунианликлар сафида 10 та ўйин ўтказган ва уларда самарасиз бўлган.
