"Манчестер Сити" бош мураббийи Пеп Гвардиола клублар ўртасидаги жаҳон чемпионати ярим финалида "Урава Редс" устидан қозонилган ғалабадан сўнг ўз фикрлари билан ўртоқлашди.
"Финал учун режам борми? Ухлаш, ухлаш ва яна ухлаш! Бу бизнинг режамиз. Биз дам олишимиз керак. Рақиб яна бир кун дам олди. Биз бирга кечки овқатланамиз ва футболчилар бу кубок клуб учун қанчалик муҳимлигини билишлари учун муҳит яратамиз.
Ушбу финалга чиқиш учун биз ажойиб ишларни қилишимиз керак, масалан, Чемпионлар лигасида ғалаба қозониш. Бу бизнинг ҳаётимизда ягона марта ўйнашимиз мумкин. Эртага биз "Флуминенсе"ни томоша қилишни бошлаймиз, уларни кўрамиз ва яхши ўйин кўрсатишга ҳаракат қиламиз", - деди Гвардиола "шаҳарликлар" матбуот хизматига.
ЖЧ-2023 финалида “Манчестер Сити” 22 декабрь, жума куни Бразилиянинг “Флуминенсе” жамоасига қарши майдонга тушади.
