Каталониянинг “Барселона” клуби етакчи ярим ҳимоячиси Педрини йўқотди. 21 ёшли футболчи машғулот вақтида жароҳат олган.
AS журналистларининг хабар беришича, футболчи дастлабки тиббий кўрикдан ўтган. Натижаларга кўра, ярим ҳимоячи икки-уч ҳафтани ўтказиб юбориши маълум бўлди. Шундай қилиб, Педри бўлажак ўйинларда "блауграна"га ёрдам бермайди.
Испания чемпионатининг жорий мавсумида ярим ҳимоячи саккизта ўйинда қатнашиб, битта гол урди. Педрининг "кўк-анорранглилар" билан шартномаси 2026 йилнинг ўрталарига қадар тузилган ва унинг трансфер нархи 100 миллион еврога баҳоланмоқда.
