"Лас-Палмас"да ўйнаётган испаниялик дарвозабон Aлваро Валлес фаолиятини Aнглия премьер-лигасининг топ-клубида давом эттириш имкониятига эга.
Бу ҳақда Todofichajes журналистлари хабар бермоқда.
Журналистларнинг ёзишича, 26 ёшли дарвозабон хизматларига “Манчестер Сити” қизиқмоқда. Aнглия жамоаси бош мураббийи Пеп Гвардиола шахсан Валлес трансферини талаб қилмоқда.
Дарвозабон ҳозирги жамоасида 2019 йилнинг ёзидан буён ўйнамоқда. Aлваро ва "Лас-Палмас" ўртасидаги амалдаги меҳнат шартномаси 2023/2024 йилги мавсум охирида тугайди.
Трансфермаркт портали экспертлари дарвозабоннинг нархини тўрт миллион еврога баҳоламоқда.
