"Наполи" спорт директори Мауро Мелусо ҳужумчи Виктор Осимхен билан шартномани узайтириш ҳақидаги саволга жавоб берди.
ОAВ хабарига кўра, томонлар шартнома шартлари бўйича тўлиқ келишувга эришишга яқин. Ҳозирча расман тасдиқланмаган.
“Биз ҳамма нарса имзоланмагунча катта эълонлар қилмасдан, саҳна ортида ишлашга ўрганиб қолганмиз. Бу янгилик ҳақида президент Aурелио де Лаурентис айтиб бериши аниқ.
Орқада узоқ музокаралар жараёни турибди ва биз буни тез орада якунлаймиз деган умиддамиз, бироқ ҳаммаси ҳал бўлгандан кейингина эълон қиламиз.
Иккала томон ҳам келишувни ёпишга интилмоқда. Келинг, кейинги ҳафталарда нима бўлишини кузатамиз», - дея Мелусонинг сўзларини келтиради Football Italia.
