"Манчестер Сити" ярим ҳимоячиси Родри жамоадоши Матеус Нунеснинг ўйинига юқори баҳо берди.

Португалиялик футболчи клублар ўртасидаги жаҳон чемпионатида "Урава Ред" устидан қозонилган ғалабада (3:0) энг яхши футболчи деб топилди. Aйнан унинг босими билан рақиблар автогол уришди ва бу мағлубиятнинг бошланиши эди.

«Нунесга бу керак эди, у ишонч қозониши керак. У жуда яхши ўйинчи, ҳали анча ёш ва рақибнинг автоголини қўзғатди.

Ковачич ҳам биздаги илк голини урди. Иккаласи ҳам ажойиб ўйин кўрсатишди. Мен улар учун жуда хурсандман, бу бутун жамоа учун муҳим», - дея Родрининг сўзларини келтиради «Манчестер Сити» матбуот хизмати.