Ярим ҳимоячи Родриго де Пауль ўзини Аргентина терма жамоасида "Атлетико Мадрид"дан кўра муҳимроқ ўйинчи деб ҳисоблайдими, деган саволга жавоб берди.

"Менимча, ҳа. Лекин ҳаммаси менга боғлиқ - мен "Атлетико"да олдинга қадам ташлашим керак. Аммо бу мавсумда мен ўзимни муҳимроқ бўлиб қолганимни ҳис қиляпман", - деди де Пауль Marca билан суҳбатда.

2023/2024 йилги мавсумда Родриго де Пауль "Атлетико" таркибида 18 та ўйин ўтказди. Уларда ярим ҳимоячи шерикларига иккита голли узатма берди.

Эслатиб ўтамиз, бир йил аввал де Пауль Аргентина терма жамоаси таркибида жаҳон чемпиони бўлганди.