"Челси" бош мураббийи Маурисио Почеттино Лондон клуби раҳбарияти ва футболчилар ўртасидаги муносабатлар ҳақида гапирди.

"Биз муваффақиятга ишонишда давом этишимиз керак. Мен ҳам футболчиларим каби бу лойиҳага ишонаман. Ишонч орқали биз ажойиб жамоа тузамиз.

Бу ҳар доим бирга бўлиш ва бир-биримизни қўллаб-қувватлаш ўйин даражамизни ошириши мумкин бўлган қоидадир. Бизда ўзаро тушуниш аъло даражада", — деди Почеттино.

Ҳозирда Почеттино бошчилигидаги "Челси" АПЛ турнир жадвалида 10-ўринда бормоқда. Жамоа 17 турда 22 очко жамғарган. 19 декабрь, сешанба куни Лига кубоги чорак финалида лондонликлар ўз майдонида "Ньюкасл"ни мағлуб этиб, турнирнинг ярим финалига йўл олди.