"Олмалиқ" кеча навбатдаги назорат баҳсини ўтказди. Бу учрашувда 18 нафар футболчи иштирок этди.

Кеча “Шахтёр” ўринбосарлари билан ўтказилган ўйинлардан сўнг, Нурулла Бобоев, Дмитрий Краев ва Олег Дражжукларга жавоб берилди. “Андижон” билан баҳсда йиғинда иштирок этаётган футболчиларнинг баъзилари иштирок этишди, холос. Ҳимоя чизиғида янги икки футболчи Барот Раҳматуллаев ва Шамиль Валиевлар бир тайм давомида синовдан ўтишди. Биринчи тайм ўрталарида жаримадан оширилган тўпни Акмал Жўрабоев бош билан дарвозага йўллаб андижонликларни ҳисобда олдинга олиб чиқди. Иккинчи таймда Диёр Туропов ҳисобни тенглаштиришга муваффақ бўлди. Учрашувни олмалиқлар қуйидаги таркибда ўтказди.

“Олмалиқ”: Умид Хонимқулов, Азиз Мансуров, Градимир Црногорац, Шамиль Валиев, Барот Раҳматуллаев, Исроил Эргашев, Зафар Тўраев, Санжар Шоаҳмедов, Бахтиёр Шокиров, Сухроб Бердиев, Абдураззоқ Жўраев.

Захирадан майдонга тушганлар: Никита Шквирин, Диёр Туропов, Сардор Сотволдиев, Евгений Гоголь, Сирож Ҳамроев, Маъмур Абдуллаев, Исроил Турсунов.

Жамоамизнинг кейинги назорат ўйини 25 январь куни “Бухоро” жамоасига қарши ўтказилади.