Европа суди УЕФA монополист бўлиш ҳуқуқига эга эмас, шунинг учун Суперлигани йўлга қўйиш мумкин, деган қарорга келди.

Шу билан бирга, Aнглия Премьер-лигаси клублари ушбу лойиҳада иштирок эта олмайдиганга ўхшайди, деб ёзади The Telegraph.

Гап шундаки, Британия расмийлари футболни бошқариш бўйича янги қонун қабул қилиши керак. Мазкур қонун лойиҳасида лицензияга эга клубларнинг амалдаги футбол тизимидан ташқари турнирларда иштирок этиши тақиқлангани айтилган.

Демак, Суперлигада иштирок этиш Премьер-лиганинг исталган клубини ички мусобақалардан четлаштиришни англатади.

Эътиборлиси, ҳозирда Суперлигани фақат иккита клуб - "Реал" ва "Барселона" қўллаб-қувватламоқда.