“Лутон Таун” ҳимоячиси Том Локьер шифохонадан чиқарилди.
Футболчи сешанба куни имплантация қилинадиган кардиовертер дефибрилатор ўрнатилгандан сўнг уйда тикланишни бошлади. Бу ҳақда клуб расмий сайти хабар берди.
Эслатиб ўтамиз, яқинда AПЛ доирасида "Борнмут"га қарши ўйинда Локьер иккинчи бўлимда юраги хуруж қилгани учун майдондан олиб чиқиб кетилганди. Ҳодиса туфайли ўйин тўхтатилди ва энди қайта ўйналади.
"Лутон Таун" ҳозирда Премьер-лига турнир жадвалида 18-ўринни эгаллаб турибди, яъни у пастга тушиш зонасида.
Жамоа навбатдаги ўйинни 23 декабр куни ўз майдонида "Ньюкасл"га қарши ўтказади.
