ФИФА президенти Европа Иттифоқи судининг Суперлига фойдасига қарорига муносабат билдирди.
Бугун Европа Иттифоқи Адлия суди Суперлига фойдасига қарор чиқарди ва ФИФА ва УЕФА "ҳокимият мавқеини суиистеъмол қилмоқда" деган хулосага келди.
“Европа судига ҳурмат билан шуни айтаманки, бугунги қарор ҳеч нарсани ўзгартирмайди. Биз тарихан дунёнинг энг яхши мусобақаларини ташкил этганмиз ва келгусида ҳам шундай қиламиз.
Биз дунёдаги энг қизиқарли, рақобатбардош ва мазмунли турнирларни ўтказишда давом этамиз ва ўз даромадларимизни бирдамлик дастурлари орқали дунёнинг ҳар бир бурчагида футболни ривожлантиришга сарфлаймиз.
ФИФА, ҳар доимгидек, буни бизнинг аъзо ассоциацияларимиз, конфедерациялар ва футболнинг барча манфаатдор томонлари билан яқин ҳамкорликда, фақат бизнинг ўйинимиз манфаати учун - бутун дунё бўйлаб қилишда давом этади. Ҳамма биргаликда!" – деди Жанни Инфантино.
