"Реал Мадрид" президенти Флорентино Перес Суперлига лойиҳасининг асосий тарафдори. Европа суди УЕФА билан бўлган баҳсда Суперлига фойдасига қарор чиқарганидан сўнг, Перес ўз хурсандчилигини билдирган баёнот билан чиқди. Видеода Перес ортидаги жавонда Чемпионлар лигаси кубоклари бор, буни "ПСЖ" президенти Носир ал-Хелайфи пайқади.
"Ортда УЕФА Чемпионлар Лигаси совринлари турганда Суперлига ҳақида гапириш ғалати", - деди Ал-Хелайфи Football Tweet билан суҳбатда.
Эслатиб ўтамиз, Носир ал-Хелайфи Европа клублари ассоциацияси раҳбари ҳисобланади ва у Суперлигани қўллаб-қувватламайди.
