Артём Довбик Ла Лига мавсумида гол+пас тизимида 15 очко тўплади.
"Жирона" ҳужумчиси Испания чемпионатининг 18-тури доирасидаги "Бетис"га қарши ўйинда (1:1) пенальтини голга айлантирди.
Бу украиналик футболчининг жорий Ла Лигадаги 11-голидир. У турнир тўпурарлари рўйхатида Жуд Беллингем (13 гол) ва Борха Майоралдан (12) ортда қолиб, учинчи ўринни эгаллаб турибди. Антуан Гризманн ҳам 11 та гол урди.
Довбик ва Беллингем Ла Лига мавсумида энг самарали ҳаракат қилишди - 15 тадан голда иштирок. "Жирона" футболчиси 11та гол урди ва 4та голга ассистентлик қилди, "Реал Мадрид" ярим ҳимоячиси эса 13та гол ва 2та голли узатмани амалга оширди.
