Мадриднинг “Реал” клуби бош мураббийи Карло Анчелотти Испания чемпионатининг 18-турида “Алавес”га қарши ўйинда (1:0) ғалаба қозонганидан сўнг, “Жирона” билан чемпионлик учун кураш ҳақида гапирди.
"Жирона" асосий рақиб? Улар бугун ўз маҳоратларини кўрсатишди, ўйинни томоша қилдик. Ишончим комилки, улар "Атлетико", "Барселона" ва "Атлетик" каби охиригача курашишади", — деди Анчелотти.
Испания чемпионатининг 18-туридан кейин “Реал” 45 очко билан Испания чемпионати турнир жадвалида пешқадамлик қилмоқда. "Жирона" ҳам 45 очко жамғариб, иккинчи ўринда бормоқда.
Кучли учликни 38 очко билан “Барселона” якунлаб турибди. Кейинги ўринларда "Атлетик" ва "Атлетико" 35 очкодан иборат.
