Европа Суперлигаси ҳомийси ҳисобланган А22 компанияси янги футбол турнирида Россия Премьер-лигаси вакиллари иштирок этишини истисно этмайди.
"Биз Европа клублари мусобақаларини ўтказиш бўйича янги лойиҳани тақдим этдик. Яқин ҳафталарда бу таклифни бутун Европанинг барча манфаатдор клублари билан муҳокама қиламиз", — дейилади ҳомийнинг баёнотида.
Эслатиб ўтамиз, аввалроқ Европа суди Суперлига йўлланмасини қонунийлаштиргани маълум бўлганди. Форматга кўра мусобақада 64 та клуб иштирок этади. Ҳозирда турнир иштирокчилари қаторида Каталониянинг “Барселона” ва “Реал” клублари ҳам бор.
