Мадриднинг “Реал” клуби етакчиларидан бири Жуд Беллингем Испания чемпионатининг 18-турида “Aлавес” устидан қозонилган ғалаба ҳақида гапирди.
“Реал” қўшиб берилган вақтда Лукас Васкеснинг голи эвазига 1:0 ҳисобида ғалаба қозонди.
“Васкесдан Рождество мўжизаси. Ажойиб якун!" - дея англиялик ярим ҳимоячи ижтимоий тармоқларда хабар қолдирди.
Кечаги муваффақият эвазига Карло Aнчелотти шогирдлари 45 очко жамғариб, турнир жадвалида биринчи ўринга қайтишди.
Мадридликлар қўшимча кўрсаткичлар бўйича "Жирона"дан ўзиб кетишди. Учинчи ўринда “Барселона” жойлашган.
