"Нефтчи" ПФК билан шартнома имзолаган Жавоҳир Қаҳрамонов клуб матбуот хизматига берган кичик интервьюсини ўқишингиз мумкин.

— Жавоҳир "Нефтчи"га ўтиш варианти қандай пайдо бўлди?
— Мени жамоага Виталий Григорьевич таклиф қилишди. Ўз олдига юксак мақсадларни қўйган клубда ўйнаш албатта қизиқарли ва қувонарлидир. "Нефтчи"дек буюк жамоа сафида тўп суриш ҳар қандай футболчи учун шарафли ҳисобланади.

— "Нефтчи" жамоасига қарши ўтган мавсумда жиззахликлар таркибида майдонга чиққансиз. Клуб сизда қандай таассуротлар қолдирган?
— Албатта, жамоа ўтган мавсумда анча кучли ўйин кўрсатди. Ҳар қандай рақибни енга олди ва сўнгги тургача медаллар учун курашди. Мана шу жиҳатлари ҳам клубга ўтишимга туртки бўлди.

— Жамоа бош мураббийи ҳақида қандай фикрларни билдира оласиз.
— Виталий Левченко хақида гапирадиган бўлсам, ўтган мавсумда ўзининг футболдаги қарашлари орқали унча-мунча клубларни ноқулай ахволга сола билди. Бежизга эмас, ҳозирги кунда ПФЛ томонидан Суперлиганинг энг яхши уч нафар мураббийи рўйҳатидан жой эгаллаганлиги мураббийнинг қандай салоҳиятга эга эканлигидан далолат беради.

— Клуб мухлисларига тилакларингиз?
— Ўйлайманки, янги мавсумда жамоа мухлисларини ёрқин ўйинларимиз орқали хурсанд қиламиз. Юксак марраларни забт этишда эса ҳамжиҳатликда ҳаракат қилсак чемпионликни қўлга киритиш йўлидаги мақсадимизга эришиш осонроқ кечади.

"Нефтчи" ПФК матбуот хизмати