Яқин кунларда Туриннинг "Ювентус" клуби ярим ҳимоячи Георгий Судаковнинг трансфери бўйича Донецкнинг "Шахтёр" клуби билан яна боғланмоқчи. Tuttosport нашри хабарига кўра, "кекса синьора" украиналик ёш футболчини сотиб олишдан умидини узмаяпти.
"Шахтёр" Чемпионлар лигасининг 1/8 финалига чиқа олмади, бироқ жамоанинг Европа лигасига тушиб кетиши раҳбариятнинг Судаковнинг баҳосига таъсир қилмади. Январь ойида "кончилар" футболчини 35 миллион еврога сотишади. Бироқ, "Ювентус" чегирма олишни кутмоқда.
Эслатиб ўтамиз, жорий мавсумда Судаков Украина чемпионатининг ўнта учрашувида иккита гол урди.
